Hannes hefur verið að glíma við meiðsli í nára.
„Þetta lítur vel út. Ég vona að ég verði klár núna á fimmtudaginn," segir Hannes Þór Halldórsson landsliðsmarkvörður í samtali við Morgunblaðið.
Hannes ætti að vera klár í slaginn þegar Ísland hefur leik í Þjóðadeildinni með leik gegn Sviss í St. Gallen þann 8. september.
Hannes hefur verið að glíma við nárameiðsli og misst af tveimur síðustu leikjum Qarabag. Hann vonast til að geta spilað gegn Sheriff í umspili um sæti í Evrópudeildinni á morgun. Sheriff vann fyrri leikinn 1-0.
Hannes ætti að vera klár í slaginn þegar Ísland hefur leik í Þjóðadeildinni með leik gegn Sviss í St. Gallen þann 8. september.
Hannes hefur verið að glíma við nárameiðsli og misst af tveimur síðustu leikjum Qarabag. Hann vonast til að geta spilað gegn Sheriff í umspili um sæti í Evrópudeildinni á morgun. Sheriff vann fyrri leikinn 1-0.
Framundan eru tveir landsleikir Íslands í Þjóðadeildinni, fyrstu leikirnir undir stjórn Erik Hamren. Eftir leikinn í Sviss heldur hópurinn heim til Íslands þar sem leikið verður gegn Belgíu á Laugardalsvelli þann 11. september.
Auk Hannesar eru Rúnar Alex Rúnarsson og Frederik Schram markverðirnir í landsliðshópnum en þeir þrír voru í hópnum á HM í Rússlandi í sumar.
Fleiri landsliðsmenn Íslands hafa verið að glíma við meiðsli. Aron Einar Gunnarsson og Alfreð Finnbogason geta ekki tekið þátt í komandi landsleikjum vegna meiðsla. Emil Hallfreðsson fór meiddur af velli í leik á Ítalíu um helgina en er bjartsýnn. Þá er enn óljóst hvort Jóhann Berg Guðmundsson, leikmaður Burnley, verði klár.
Athugasemdir
