Leicester City 5 - 0 Newcastle
1-0 Ricardo Pereira ('16 )
2-0 Jamie Vardy ('54 )
3-0 Paul Dummett ('57 , sjálfsmark)
4-0 Jamie Vardy ('64 )
5-0 Wilfried Ndidi ('90 )
Rautt spjald:Isaac Hayden, Newcastle ('43)
1-0 Ricardo Pereira ('16 )
2-0 Jamie Vardy ('54 )
3-0 Paul Dummett ('57 , sjálfsmark)
4-0 Jamie Vardy ('64 )
5-0 Wilfried Ndidi ('90 )
Rautt spjald:Isaac Hayden, Newcastle ('43)
Leicester City vann Newcastle United 5-0 í 7. umferð ensku úrvalsdeildarinnar í dag en leikurinn fór fram á King Power-leikvanginum í Leicester.
Ricardo Pereira kom Leicester yfir með gullfallegu marki á 16. mínútu en hann hljóp þá upp allan völlinn áður en hann lagði boltann í vinstra hornið.
Leicester fékk nokkur góð færi í fyrri hálfleiknum og Newcastle í basli en það varð verra fyrir Newcastle er Isaac Hayden var rekinn af velli eftir skelfilega tæklingu á Dennis Praet.
Heimamenn nýttu sér liðsmuninn í þeim síðari og fór mörkunum að rigna inn. Jamie Vardy skoraði annað markið á 54. mínútu áður en Paul Dummett kom knettinum í eigið net þremur mínútum síðar eftir skot frá Praet.
Vardy gerði svo annað mark sitt á 64. mínútu með skalla eftir fyrirgjöf Marc Albrighton. Wilfred Ndidi gerði svo fimmta og síðasta mark leiksins í uppbótartíma og 5-0 sigur Leicester í höfn.
Hræðileg úrslit fyrir Steve Bruce og lærisveina hans hjá Newcastle en liðið er með 5 stig í næst neðsta sæti. Eini sigur Newcastle kom gegn Tottenham þann 25. ágúst.
Leicester er á meðan í 3. sæti með 14 stig, sjö stigum á eftir toppliði Liverpool en liðin mætast einmitt næstu helgi á Anfield.
Athugasemdir