29.10.22 - 16:27
Ívan Guðjón Baldursson
Myndband: Conte fór eftir sigurmarkið
Mynd: EPA
Mynd: EPA
Rodrigo Bentancur fullkomnaði laglega endurkomu Tottenham Hotspur á útivelli gegn Bournemouth í ensku úrvalsdeildinni í dag.
Tottenham lenti óvænt tveimur mörkum undir en náði að skora tvö mörk í seinni hálfleik til að jafna leikinn í venjulegum leiktíma.
Það var í uppbótartíma sem Bentancur kom boltanum í netið og brást Antonio Conte, knattspyrnustjóri Tottenham, við með því að ganga til búningsklefa.
Conte hefur ekki verið ánægður með spilamennsku sinna manna í leiknum og las þeim væntanlega pistilinn þegar þeir mættu til búningsklefa 1-0 undir eftir bragðdaufan fyrri hálfleik.
