Telegraph segir að Carlo Ancelotti sé meðal nafna á blaði hjá Arsenal en félagið er í stjóraleit eftir að Unai Emery var rekinn í morgun.
Freddie Ljungberg hefur verið ráðinn til bráðabirgða og mun stýra Arsenal gegn Norwich á sunnudaginn.
Nuno Espirito Santo, stjóri Wolves, og Mikel Arteta, aðstoðarstjóri Manchester City, hafa einnig verið orðaðir við starfið.
Ancelotti er sextugur og hefur þrívegis á stjóraferlinum unnið Meistaradeildina. Hann er nú stjóri Napoli og er samningsbundinn ítalska félaginu út tímabilið.
Napoli hefur verið í brasi á tímabilinu og er í sjöunda sæti ítölsku A-deildarinnar, fimmtán stigum á eftir toppliði Juventus.
Athugasemdir