Boufal er 26 ára gamall.
Hlutirnir hafa ekki gengið eftir plani hjá Southampton á þessu tímabili. Liðið er fjórum stigum frá öruggu sæti í ensku úrvalsdeildinni og hafa dýrlingarnir ekki unnið í síðustu átta leikjum sínum.
Núna hefur kantmaður Southampton, Sofiane Boufal, bæst á meiðslalistann eftir að hann hljóp á eldhúsborð.
Það er óvíst hvort Boufal geti spilað gegn Watford á laugardaginn vegna támeiðsla.
„Hann gat ekki æft í þrjá daga og táin er enn bólgin," sagði Ralph Hasenhuttl, stjóri Southampton um meiðsli Boufal.
Southampton hefur átt erfitt tímabil til þessa, en liðið er með einu stigi meira en Watford fyrir leik liðanna um helgina. Southampton var nálægt því að vinna Arsenal um síðustu helgi, en Arsenal jafnaði
seint í uppbótartímanum.
Athugasemdir
