Nicolas Pepe hefur ekki heillað marga stuðningsmenn Arsenal frá því hann kom til félagsins frá Lille fyrir metupphæð, 72 milljónir punda, á síðasta ári.
Paul Merson, fyrrum leikmaður Arsenal, er ekki hrifinn af því sem Pepe hefur gert og telur að verðmiðinn sé að hafa mikil áhrif á hann.
Pepe skoraði gegn Molde í Evrópudeildinni í síðustu viku en Merson telur það ekki breyta neinu.
„Nicolas Pepe lítur ekki út fyrir að vera nægilega góður," sagði Merson við Daily Star. „Þetta hefur verið martröð fyrir hann frá því hann kom til Arsenal og eitt mark í Evrópudeildinni í Noregi breytir því ekki."
„Pirringurinn tók yfir hjá honum gegn Leeds og hann gerðist sekur um heimskupör með því að skalla mótherja," sagði Merson en Pepe fékk rautt spjald fyrir það.
„Hann kom fyrir 70 milljónir punda. Ef þeir hefðu keypt hann fyrir 20 milljónir, þá væri enginn að væla. Stærri verðmiði þýðir meiri pressa, og hann hefur ekki náð að takast á við það. Ég horfi á hann spila og ég veit ekki hvað hann kemur með inn í leik liðsins. En það er ekki honum að kenna að Arsenal er í vandræðum."
Merson hélt áfram og sagði: „Ég held að Mikel Arteta viti ekki hvað besta liðið sitt er og hann hefur verið þarna í langan tíma. Hann breytir of miklu og það er áhyggjuefni."
Arsenal á leik gegn Wolves í kvöld, en hér að neðan má sjá stigatöfluna í deildinni.
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 25 | 17 | 5 | 3 | 49 | 17 | +32 | 56 |
| 2 | Man City | 25 | 15 | 5 | 5 | 51 | 24 | +27 | 50 |
| 3 | Aston Villa | 25 | 14 | 5 | 6 | 36 | 27 | +9 | 47 |
| 4 | Man Utd | 25 | 12 | 8 | 5 | 46 | 36 | +10 | 44 |
| 5 | Chelsea | 25 | 12 | 7 | 6 | 45 | 28 | +17 | 43 |
| 6 | Liverpool | 25 | 11 | 6 | 8 | 40 | 35 | +5 | 39 |
| 7 | Brentford | 25 | 12 | 3 | 10 | 39 | 34 | +5 | 39 |
| 8 | Everton | 25 | 10 | 7 | 8 | 28 | 28 | 0 | 37 |
| 9 | Sunderland | 25 | 9 | 9 | 7 | 27 | 29 | -2 | 36 |
| 10 | Fulham | 25 | 10 | 4 | 11 | 35 | 37 | -2 | 34 |
| 11 | Bournemouth | 25 | 8 | 10 | 7 | 41 | 44 | -3 | 34 |
| 12 | Newcastle | 25 | 9 | 6 | 10 | 35 | 36 | -1 | 33 |
| 13 | Crystal Palace | 25 | 8 | 8 | 9 | 26 | 29 | -3 | 32 |
| 14 | Brighton | 25 | 7 | 10 | 8 | 34 | 33 | +1 | 31 |
| 15 | Tottenham | 25 | 7 | 8 | 10 | 35 | 35 | 0 | 29 |
| 16 | Leeds | 25 | 7 | 8 | 10 | 34 | 43 | -9 | 29 |
| 17 | Nott. Forest | 25 | 7 | 5 | 13 | 25 | 38 | -13 | 26 |
| 18 | West Ham | 25 | 6 | 5 | 14 | 31 | 48 | -17 | 23 |
| 19 | Burnley | 25 | 3 | 6 | 16 | 25 | 49 | -24 | 15 |
| 20 | Wolves | 25 | 1 | 5 | 19 | 16 | 48 | -32 | 8 |
Athugasemdir
