Fótbolti.net

„Hef trú á því að ég geti orðið betri leikmaður undir þeirra stjórn"

Skrítnari hlutir gerst í fótboltanum - „KR er fortíðin"

Grátlegt að missa af síðustu landsleikjum - „Aldrei heyrt um svona meiðsli"

Óviss hvert svarið yrði - „Mamma grét og fannst þetta mjög gaman"

Heyrði smell í síðasta sprettnum - „Náði að búa til límonaði úr þessu"

Björn Bragi gefur út Krakkakviss fótboltaspil

Aron Jóhannsson: Um leið og hann hringdi var þetta aldrei spurning

Gerði samkomulag við Samma - „Búinn að vonast eftir þessu síðustu ár"

„Forréttindi að hafa haft tvær Chelsea goðsagnir sem þjálfara"

Birkir Valur: HK hjartað er sterkt og slær hart

Aron Bjarna: Erfitt að keppa við félögin sem eru með mun hærra budget

Lánið lykill að frábæru gengi Norrköping - „Besta sem ég gat gert"

Valgeir: Ef ég hefði farið þá hefði tækifærið hjá Örebro ekki komið

„Í draumaheimi? Þá kæmi draumatilboð og þá væri maður ekki áfram"

TM-Mót Stjörnunnar 2023

Gunnar óviss með framtíðina: Aldrei inn í myndinni að vera áfram í FH

Sjáðu mörkin í sigri Fram á Breiðabliki

Ísak segir frá markmiðum sínum - „Það er stærsta viðurkenningin"

Greip tækifærið í bakverðinum og var orðaður við félög í efri hlutanum - „Athygli er ekki leiðinleg"

Óklárað verkefni frá 2014 - „Tvö lið í efstu deild sem höfðu samband"

þri 29. nóvember 2022 10:30

@saebjornth

Sæbjörn Þór Þórbergsson Steinke

Kjartan Kári: Fékk smá sjokk þegar ég var að skrifa undir úti

Efnilegasti leikmaður Lengjudeildarinnar er farinn í atvinnumennsku.

Mynd: Fótbolti.net - Hafliði Breiðfjörð

Sautján mörk skoruð í nítján deildarleikjum í sumar.

Mynd: Fótbolti.net - Hafliði Breiðfjörð

„Mér líst mjög vel á þetta, mjög flottur klúbbur og þeir tóku mjög vel á móti mér. Það er geggjað að fá tækifæri til að spila í efstu deild í Noregi," sagði Gróttumaðurinn Kjartan Kári Halldórsson sem samdi við Haugasund í Noregi fyrr í þessum mánuði.

Kjartan er nítján ára og var á liðnu tímabili valinn efnilegasti leikmaður Lengjudeildarinnar. Hann varð markakóngur í deildinni í liði Gróttu sem endaði í þriðja sæti deildarinnar.

„Þetta gerðist mjög fljótt, samkomulagið náðist fljótt. Ég var ekki að búast við samning svona fljótt eftir æfingarnar, ég stóð mig mjög vel og hélt kannski að ég myndi fara á aðra reynslu, en þeir bara vildu fá mig og ég ákvað að hoppa á þetta."

„Það er smá sjokk, ég fékk smá sjokk þegar ég var að skrifa undir úti. Þetta hefur verið markmiðið síðan ég var lítill strákur. Þetta er geggjað og ég er spenntur fyrir tímabilinu á næsta ári."

„Já og nei. Ég var eiginlega bara að fókusa á þetta, var ekki að hugsa um hin liðin og þetta fór bara svona. Ég veit ekki af áhuga annarra erlendra félaga, við ákváðum að einbeita okkur að Haugasund og það gekk allt upp."

Það höfðu nokkur lið í Bestu deildinni áhuga á Kjartani. Ákvörðunin að fara beint út í atvinnumennsku erlendis, var það erfið ákvörðun?

„Það komu hugsanir hvort ég ætti að taka eitt tímabil í viðbót á Íslandi. Ég ákvað að hoppa á þessa lest, að prófa að fara í atvinnumennskuna."

„Væntanlega reynir maður sitt allra besta til að verða byrjunarliðsmaður en ég er nýr í liðinu og þarf að sýna mig og sanna áður en ég get gert kröfu á það - ég get ekki ákveðið það núna. Ég þarf að grípa tækifærið í æfingaleikjum, spila minn leik, sýna hvað ég get á undirbúningstímabilinu."

Hvað getur Kjartan sagt um Haugasund?

„Þetta er ekki stór bær, félagið hugsar vel um leikmenn, mjög professional klúbbur. Liðið vill ná árangri og spila blöndu af ungum leikmönnum og reynslumeiri leikmönnum. Þegar ég fór í seinna skiptið leist mér ennþá betur á þetta. Þetta er mjög flottur klúbbur."

Hugsunin að Gróttutímabilinu væri lokið í bili, var hún erfið?

„Það er klárlega erfitt að kveðja uppeldisfélagið, en þeir í Gróttu hjálpuðu mér með þetta og ég vil þakka þeim öllum fyrir. Þeir hjálpuðu mér mjög mikið að komast á þennan stað sem ég komst á núna fyrir viku. Grótta er mjög flottur klúbbur," sagði Kjartan.

Viðtalið við Kjartan má sjá í heild sinni í spilaranum efst. Þar ræðir hann um tímabilið með Gróttu, þjálfarann Chris Brazell, Luke Rae, tilboð í sumarglugganum og U21 landsliðið.

Mynd: Fótbolti.net - Hafliði Breiðfjörð

Alexander Söderlund er leikmaður Haugasunds, hann lék með FH tímabilið 2009. Hann talaði við Kjartan á íslensku þegar Kjartan fór út á reynslu.

Athugasemdir

Nýjustu fréttirnar