Fimmtán ár liðin.
Það eru 15 ár liðin frá því í dag að Chelsea vann Englandsmeistaratitilinn undir stjórn Jose Mourinho og með Eið Smára Guðjohnsen í liðinu. Það var fyrsti Englandsmeistaratitill Chelsea í 50 ár og því merkisdagur í sögu félagsins.
Óskar Ófeigur Jónsson, íþróttafréttamaður, vekur einnig athygli á því á Vísi.is að það hafi verið merkisdagur fyrir íslenskan fótbolta því það var í fyrsta sinn sem Íslendingur vann ensku úrvalsdeildina.
Eiður var þarna á sínu fimmta tímabili hjá Chelsea. Hann skoraði þetta tímabil 16 mörk í 57 keppnisleikjum Eiður skoraði 12 af mörkunum í ensku úrvalsdeildinni og lagði hann einnig upp sex mörk.
Hann fyrsta Englandsmeistaratitilinn upp á Instagram í dag með myndum og skrifar hann: „Okkur tókst það! Fyrir 15 árum síðan á þessum degi."
Eiður varð einnig Englandsmeistari árið eftir áður en hann gekk svo í raðir Barcelona. Hann er í dag aðstoðarþjálfari íslenska U21 landsliðsins.
Athugasemdir
