fim 30. apríl 2020 23:30
Guðmundur Aðalsteinn Ásgeirsson
Landsliðsmenn í fótbolta þakka Guðjóni Val fyrir
Aron Einar sendi fyrrum landsliðsfyrirliðanum í handbolta kveðju.
Aron Einar sendi fyrrum landsliðsfyrirliðanum í handbolta kveðju.
Mynd: Fótbolti.net - Hafliði Breiðfjörð
Guðjón Valur Sigurðsson tilkynnti í gær að hann væri hættur í handbolta, fertugur að aldri. Guðjón Valur er einn besti handboltamaður sögunnar og hefur hann lengi vel verið fyrirliði íslenska landsliðsins.

Hann sagði frá tíðindunum á Instagram, en nokkrir landsliðsmenn í fótbolta þökkuðu honum fyrir framlag hans og óskuðu honum til hamingju með ferilinn.

„Þvílikur kóngur. Til hamingju með ferilinn vinur, alvöru ferill," skrifaði landsliðsfyrirliðinn Aron Einar Gunnarsson.

„Til hamingju með ferilinn!" skrifaði Gylfi Þór Sigurðsson, en landsliðsmarkvörðurinn Hannes Þór Halldórsson skrifaði einnig undir færslu Guðjóns og sömuleiðis Jón Daði Böðvarsson.

Hannes skrifaði: „Til hamingju með þennan glæsilega feril og takk fyrir okkur," og tók Jón Daði í svipaðan streng. „Til hamingju með frábæran feril og takk fyrir okkur."

Guðjón Valur er án efa einn besti íþróttamaður sem Ísland hefur átt, ef ekki sá allra besti.

View this post on Instagram

Jæja, það er komið að þeim tímapunkti sem allt íþróttafólk nær á sínum ferli. Eftir 25 ár í meistaraflokki og 21 ár í landsliðinu er loksins kominn tími á að skórnir fari á hilluna. Á svona tímamótum langar mig að þakka öllum sem hafa stutt við bakið á mér í gegnum súrt og sætt. Samherjum, þjálfurum, læknum, sjúkraþjálfurum, liðsstjórum, stuðningsmönnum og öllum hinum, líka mótherjum. Síðast en ekki síst langar mig að þakka fjölskyldu minni fyrir ómetanlegan stuðning og þá sérstaklega konunni minni og börnunum. Þóra, Ína, Jóna og Jason, þið hafið gert það þess virði að standa í þessu í öll þessi ár. Handboltinn hefur opnað mér heim sem fáum auðnast og ég hefði aldrei ímyndað mér að ég ætti eftir að upplifa þegar ég var ungur gutti í Gróttu. Það sem eftir lifir eru minningarnar, bæði þær sætu og þær sáru, og fólkið sem ég hef kynnst á leiðinni.❤️ Takk fyrir mig, Guðjón Valur Well, it‘s come to that time in my career that all athletes reach eventually. After 25 years at the senior level and 21 years in the national team, I‘ve decided to retire. At this point in my life I would like to thank all of those who have stood by me through thick and thin. Teammates, coaches, doctors, physios, team managers, supporters and all the others, including opponents. Last but not least I would like to thank my family, especially my wife and children. Þóra, Ína, Jóna and Jason, you have made this all worthwhile all these years. Handball has opened a world to me few have had the privilege to experience. What remains are the memories, the sweet and the sour, and the people I‘ve met along the way.❤️ Takk, Guðjón Valur

A post shared by Gudjon Valur Sigurdsson (@gudjonvalur9) on


Athugasemdir
banner
banner
banner
banner