Rudiger vonast til þess að hefja keppni aftur, en segir jafnframt að sér myndi ekki líða vel með það ef fólk er enn að deyja um allan heim vegna veirunnar.

Liverpool er með 25 stiga forskot á toppnum og á níu leiki eftir. Mannchester City, sem er í öðru sæti, á eftir að spila tíu leiki.

„Hvað mig varðar þá mega þeir gefa Liverpool titilinn," sagði Rudiger í viðtali við ZDF. „Liverpool á skilið að vinna titilinn, ég veit ekki einu sinni hvað þeir eru með mörg stig í forystu."

„Auðvitað vona ég að tímabilið geti hafist aftur, en það má aðeins gerast ef það er engin hætta. Málið er það að Liverpool myndi hvort sem er vinna."

Chelsea var í fjórða sæti áður en hlé var gert á deildinni og í harðri Meistardeildarbaráttu.