„Eins og ég hef sagt áður og ég hef sagt þetta oft - við höldum áfram að styðja við Ole svo hann geti unnið titla."
Manchester United stefnir á að vera mjög samkeppnishæft þegar kemur að félagaskiptaglugganum í sumar. Þetta segir Ed Woodward og segir þó að félagið sé ekki ónæmt fyrir þeim afleiðingum sem kórónaveiran hefur haft á viðskiptalíf í heiminum.
Manchester United stefnir á að vera mjög samkeppnishæft þegar kemur að félagaskiptaglugganum í sumar. Þetta segir Ed Woodward og segir þó að félagið sé ekki ónæmt fyrir þeim afleiðingum sem kórónaveiran hefur haft á viðskiptalíf í heiminum.
„Það er að einhverju leyti óviðeigandi að sjá sögusagnir um félagaskipti leikmanna sem kosta hundruðir milljóna punda á þessum tímum," sagði Ed Woodward, stjórnarformaður Manchester United, í dag.
„Þetta er ekki í neinu samhengi við það sem er að gerast í heiminum og þau áhrif sem faraldurinn hefur haft á knattspyrnufélög almennt. Það er þó satt að við hjá félaginu (Manchester United) erum í sterkri stöðu miðað við mörg félög en við erum ekki ónæmir fyrir ástandinu."
„Við sjáum leið sem við getum farið á þessum tímum og við stefnum að vera mjög samkeppnishæfir á markaðnum. Eins og ég hef sagt áður og ég hef sagt þetta oft - við höldum áfram að styðja við Ole svo hann geti unnið titla."
Athugasemdir
