Championship: Sex er talan fyrir Leeds - Spenna á botninum

Sjö leikir fóru fram í dag í ensku Championship-deildinni, næstefstu deild.

Fyrsti leikur dagsins fór fram á The Den í London þegar Swansea heimsótti Millwall. Annan leikinn í röð var Jón Daði Böðvarsson ekki í leikmannahópi Millwall. Leikurinn endaði með 1-1 jafntefli.

Barnsley sigraði Blackburn og lyfti sér úr botnstætinu. Brentford sigraði Reading og er í hörkuséns um að fara upp í efstu deild. Fulham hélt einnig pressunni á Leeds með 1-2 útisigri gegn QPR.

Í lokaleikjum dagsins voru úrslitin á þann veg að Leeds náði í stig eftir að hafa lent undir gegn Luton og Wigan sigraði Stoke sannfærandi. Leeds er sex stigum fyrir ofan þriðja sætið þegar sex umferðir eru eftir.