Víkingur og Stjarnan mætast á Víkingsvelli í 16.liða úrslitum Mjólkurbikars karla. Aðeins eru 3 dagar síðan liðin mættust í Pepsi Max deildinni á Samsungvellinum þar sem niðurstaðan varð 1-1 jafntefli. Leikurinn er um margt sérstakur en engir áhorfendur verða á vellinum vegna Covid-19 sýkinga sem blossað hafa upp í samfélaginu að nýju en jafnframt var tilkynnt í dag að öllum leikjum meistara og 2.flokks verði frestað til 5.ágúst hið minnsta.

Víkingar gera aðeins eina breytingu frá leiknum á mánudag. Halldór Smári Sigurðsson kemur inn í liðið í stað Viktors Andrasonar. Stjarnan gerir öllu fleiri breytingar eða fjórar talsins.Jósef Kristinn Jósefsson, Guðjón Pétur Lýðsson,Halldór Orri Björnsson og Emil Atlason koma inní byrjunarlið þeirra frá deildarleiknum á dögunum.

Smelltu hér til að fara í beina textalýsingu frá leiknum