Miralem Pjanic hefur verið meðal bestu leikmanna Juventus eftir að Maurizio Sarri tók við ítalíumeisturunum í sumar.
Pjanic, 29 ára, er búinn að skora tvö lagleg mörk í síðustu tveimur deildarleikjum og hefur fengið mikið lof frá ítölskum fjölmiðlum.
Sarri hefur einnig verið hrósað fyrir að hafa fundið fullkomið leikkerfi fyrir Pjanic. Sarri segist þó ekki eiga allar þakkirnar skilið.
„Pjanic getur þakkað móður sinni fyrir skotfótinn, ekki þjálfaranum. Kannski getur hann þakkað föður sínum fyrir, ég veit ekki hvort er með betri skotfót," sagði Sarri þegar honum var hrósað fyrir frammistöðu Pjanic.
„Það sem skiptir mig mestu máli eru sendingarnar. Hann átti yfir 120 sendingar í síðasta leik og fæstar þeirra voru til hliðanna, það er gríðarlega mikilvægt fyrir leikstílinn okkar."
Athugasemdir