Úkraínski þjálfarinn Andryi Shevchenko gæti verið að taka við ítalska félaginu AC Milan en Tuttomercatoweb greinir frá þessu í kvöld.
Marco Giampaolo er þjálfari Milan en liðinu hefur gengið afar illa í byrjun leiktíðar og er liðið í 16. sæti með 6 stig eftir sex umferðir.
Liðið tapaði 3-1 fyrir Fiorentina í gær en Giampaolo nær ekki í sigur í næsta leik þá verður hann látinn fara.
Samkvæmt Tuttomercatoweb þá hefur Milan sett sig í samband við Andryi Shevchenko en hann er nú þjálfari úkraínska landsliðsins.
Samningur hans þar er til 2020 en hann er vel þekktur í Mílanó enda lék hann fyrir Milan fyrst frá 1999-2006 og svo kom hann á láni tímabilið 2008-2009 frá Chelsea.
Athugasemdir