Lestu um leikinn: Vestri 1 -  0 Afturelding

Gerir það ekki hlutina miklu meira svekkjandi þegar að mótið er hálfnað eru margir að tala um að Afturelding er bara komið upp um deild en niðurstaðan er bara sæti í Lengjudeildinni 2024?

"Auðvitað en svona eru bara reglurnar við vissum það fyrir mót. Svona er fótboltinn og þú þarft að vera með allt á hreinu til þess að fara upp en smáatriðin féllu ekki með okkur í dag þannig við þurfum bara að gera ennþá betur. Þetta er sterkur hópur með frábæra leikmenn sem eru að taka miklum framförum en við verðum bara að gefa meira í og mæta klárir næsta sumar"

Andri Freyr Jónasson kom inn á sem varamaður og lætur reka sig út af þegar fyrri hálfleikur framlengingar er að klárast, hvernig sá Maggi þetta?

"Bara glórulaust, ef þú horfir á spjöldin í leiknum ég skil ekki hvernig þeir fá engin spjöld og við helling af spjöldum en það er bara eins og það er. Þetta ræður engum úrslitum í þessum leik, Andri rétt ýtir i 90 kílóa mann og hann dettur eins og ég veit ekki hvað þannig það var aldrei rautt spjald, algjör þvæla og mér finnst skrítið að dómararnir tali ekki meira saman þeir bara benda á hvorn annan. Þetta réði engum úrslitum en pirrandi að vera ekki 11 á móti 11 síðasta korter leiksins."

Svekktur út í Andra að bjóða upp á þetta rauða spjald?

"Mér fannst menn bara geta leyst þetta með gulu spjaldi, Erlendur var að leyfa mikið og ég hélt það þyrfti meira til þess að vera sendur í sturtu, ræður ekki úrslitum en alls ekki ósáttur við Andra, Andri kom bara inn og vildi láta til sín taka, hann lærir af þessu en nei aldrei rautt spjald"

Viðtalið við Magga má sjá í heild sinni hér fyrir ofan en þar talar Maggi mikið um leikinn sjálfan og fleira.