Championship: Coventry fyrst liða til að sigra Reading

Coventry batt enda á taplausa hrinu toppliðs Reading til að byrja þetta tímabil með heimasigri í kvöld.

Reading var með 22 stig eftir fyrstu átta umferðirnar, sjö sigrar og eitt jafntefli. Coventry var með fimm stig fyrir leikinn í kvöld, í fallsæti.

Coventry leiddi í hálfleik með einu marki og í seinni hálfleik voru skoruð fjögur mörk, bæði lið skoruðu tvö og því vann Coventry 3-2 sigur.

Matt Godden skoraði og lagði upp hjá heimamönnum og sömu sögu má segja um Lucas Joao hjá gestunum. Stöðuna í deildinni má sjá hér að neðan.