Davide Frattesi skoraði tvö fyrir Inter
Íslendingalið Venezia vann ótrúlegan 3-2 endurkomusigur á Udinese í Seríu A á Ítalíu í kvöld.
Landsliðsmaðurinn Mikael Egill Ellertsson hefur verið að gera góða hluti með Venezia undanfarið og var að sjálfsögðu í byrjunarliðinu í kvöld.
Venezia hefur þó verið í brasi með að sækja stig á tímabilinu og fór þetta ekkert sérstaklega vel af stað í kvöld.
Udinese komst tveimur mörkum yfir á sex mínútna kafla áður en finnski sóknarmaðurinn Joel Pohjanpalo minnkaði muninn með marki úr vítaspyrnu og gaf heimamönnum von á að koma til baka.
Venezia jafnaði metin með marki Hans Nicolussi Caviglia á 56. mínútu og þegar lítið var eftir fékk Venezia aðra vítaspyrnu. Aftur var Pohjanpalo sendur á punktinn og aftur setti hann boltann í netið.
Frábær endurkoma Venezia sem var að ná í annan sigur sinn í deildinni á tímabilinu. Mikael Egill var einn af bestu mönnum liðsins með 7,5 í einkunn samkvæmt Fotmob.
Venezia er í 18. sæti með 8 stig en Udinese í 7. sæti með 16 stig. Bjarki Steinn Bjarkason var ekki með Venezia í dag vegna meiðsla.
Davide Frattesi skoraði þá tvö mörk og Lautaro Martínez eitt þegar Inter vann 3-0 sigur á Empoli.
Heimamenn í Empoli spiluðu manni færri frá 31. mínútu og gátu meistararnir nýtt sér það. Frattesi skoraði fyrsta markið snemma í síðari hálfleik og þá skoraði hann annað mark sitt rúmum stundarfjórðungi síðar. Lautaro gerði út um leikinn á lokamínútunum.
Inter er í öðru sæti með 21 stig, fjórum stigum frá toppliði Napoli.
Empoli 0 - 3 Inter
0-1 Davide Frattesi ('50 )
0-2 Davide Frattesi ('67 )
0-3 Lautaro Martinez ('79 )
Rautt spjald: Saba Goglichidze, Empoli ('31)
Venezia 3 - 2 Udinese
0-1 Sandi Lovric ('19 )
0-2 Iker Bravo ('25 )
1-2 Joel Pohjanpalo ('41 , víti)
2-2 Hans Nicolussi ('56 )
3-2 Joel Pohjanpalo ('86 , víti)
Rautt spjald: Isaak Toure, Udinese ('53)
Stöðutaflan
Ítalía
Serie A - karlar
Ítalía
Serie A - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Inter | 36 | 27 | 4 | 5 | 85 | 31 | +54 | 85 |
| 2 | Napoli | 36 | 21 | 7 | 8 | 54 | 36 | +18 | 70 |
| 3 | Juventus | 36 | 19 | 11 | 6 | 59 | 30 | +29 | 68 |
| 4 | Roma | 36 | 21 | 4 | 11 | 55 | 31 | +24 | 67 |
| 5 | Milan | 36 | 19 | 10 | 7 | 50 | 32 | +18 | 67 |
| 6 | Como | 36 | 18 | 11 | 7 | 60 | 28 | +32 | 65 |
| 7 | Atalanta | 36 | 15 | 13 | 8 | 50 | 34 | +16 | 58 |
| 8 | Bologna | 36 | 15 | 7 | 14 | 45 | 43 | +2 | 52 |
| 9 | Lazio | 36 | 13 | 12 | 11 | 39 | 37 | +2 | 51 |
| 10 | Udinese | 36 | 14 | 8 | 14 | 45 | 46 | -1 | 50 |
| 11 | Sassuolo | 36 | 14 | 7 | 15 | 44 | 46 | -2 | 49 |
| 12 | Torino | 36 | 12 | 8 | 16 | 41 | 59 | -18 | 44 |
| 13 | Parma | 36 | 10 | 12 | 14 | 27 | 45 | -18 | 42 |
| 14 | Genoa | 36 | 10 | 11 | 15 | 40 | 48 | -8 | 41 |
| 15 | Fiorentina | 36 | 8 | 14 | 14 | 38 | 49 | -11 | 38 |
| 16 | Cagliari | 36 | 9 | 10 | 17 | 36 | 51 | -15 | 37 |
| 17 | Lecce | 36 | 8 | 8 | 20 | 24 | 48 | -24 | 32 |
| 18 | Cremonese | 36 | 7 | 10 | 19 | 30 | 53 | -23 | 31 |
| 19 | Verona | 36 | 3 | 11 | 22 | 24 | 58 | -34 | 20 |
| 20 | Pisa | 36 | 2 | 12 | 22 | 25 | 66 | -41 | 18 |
