Virgil van Dijk var hetja Liverpool gegn Brighton í dag. Hann skoraði tvö skallamörk í fyrri hálfleik og nægðu þau til sigurs, þó aðeins tæplega.
Fyrst skoraði Van Dijk eftir aukaspyrnu frá Trent Alexander-Arnold. Sex mínútum síðar skoraði hann eftir hornspyrnu frá bakverðinum unga.
Gestirnir gáfust ekki upp þrátt fyrir slakan fyrri hálfleik og minnkuðu muninn á 79. mínútu. Alisson fékk þá beint rautt spjald fyrir að verja boltann vijandi með hendi utan teigs.
Adrian kom inn í markið og var ennþá að stilla upp veggnum þegar miðvörðurinn Lewis Dunk tók spyrnuna. Dunk bókstaflega senti boltann meðfram jörðinni í fjærhornið þar sem Adrian náði ekki að færa sig tímanlega.
Adrian bætti þó upp fyrir þessi mistök og varði vel til að tryggja sigur Liverpool, sem er komið með 11 stiga forystu á toppnum.
Liverpool 2 - 1 Brighton
1-0 Virgil van Dijk ('18)
2-0 Virgil van Dijk ('24)
2-1 Lewis Dunk ('79)
Rautt spjald: Alisson, Liverpool ('76)
Á Stamford Bridge gerði Aaron Cresswell eina mark leiksins í upphafi síðari hálfleiks er Chelsea tapaði Lundúnaslagi.
Cresswell gerði frábærlega að fara framhjá varnarmanni Chelsea áður en hann setti boltann í fjærhornið með hægri fætinum.
Heimamenn fengu mikið af færum en þau hæfðu sjaldan markið. Þegar skotin hæfðu markið var Dean Martin tilbúinn í sínum fyrsta úrvalsdeildarleik.
Þetta eru svekkjandi úrslit fyrir lærisveina Frank Lampard sem hefðu jafnaði Man City í öðru sæti með sigri. Þetta er fyrsti sigur Hamranna eftir þrjá tapleiki í röð og er liðið með 16 stig eftir 14 umferðir.
Chelsea 0 - 1 West Ham
0-1 Aaron Cresswell ('48)
Dele Alli skoraði í fyrri hálfleik gegn Bournemouth og tvöfaldaði hann forystuna í upphafi síðari hálfleiks. Moussa Sissoko gerði svo þriðja markið en lærisveinar Eddie Howe voru ekki á því að gefast upp.
Harry Wilson kom inn af bekknum og minnkaði muninn á 73. mínútu. Hann gerði annað mark undir lok uppbótartímans en það nægði ekki og lokatölur 3-2.
Leikmenn Tottenham hafa brugðist vel við nýjum stjóra og er liðið komið í fimmta sæti úrvalsdeildarinnar eftir tvo sigra í röð. Bournemouth er í neðri hlutanum.
Tottenham 3 - 2 Bournemouth
1-0 Dele Alli ('21)
2-0 Dele Alli ('50)
2-1 Moussa Sissoko ('69)
3-1 Harry Wilson ('73)
3-2 Harry Wilson ('96)
Að lokum tapaði Burnley fyrir Crystal Palace. Wilfried Zaha og Jeffrey Schlupp gerðu mörkin.
Jóhann Berg Guðmundsson var fjarverandi vegna meiðsla og er Burnley áfram í efri hluta deildarinnar, með 18 stig. Crystal Palace er með jafn mörg stig.
Burnley 0 - 2 Crystal Palace
0-1 Wilfried Zaha ('45)
0-2 Jeffrey Schlupp ('78)
Stöðutaflan
England
Premier league - karlar
L | U | J | T | ms: | mf: | mun | Stig | ||
---|---|---|---|---|---|---|---|---|---|
1 | Arsenal | 28 | 20 | 4 | 4 | 70 | 24 | +46 | 64 |
2 | Liverpool | 28 | 19 | 7 | 2 | 65 | 26 | +39 | 64 |
3 | Man City | 28 | 19 | 6 | 3 | 63 | 28 | +35 | 63 |
4 | Aston Villa | 29 | 17 | 5 | 7 | 60 | 42 | +18 | 56 |
5 | Tottenham | 28 | 16 | 5 | 7 | 59 | 42 | +17 | 53 |
6 | Man Utd | 28 | 15 | 2 | 11 | 39 | 39 | 0 | 47 |
7 | West Ham | 29 | 12 | 8 | 9 | 46 | 50 | -4 | 44 |
8 | Brighton | 28 | 11 | 9 | 8 | 50 | 44 | +6 | 42 |
9 | Wolves | 28 | 12 | 5 | 11 | 42 | 44 | -2 | 41 |
10 | Newcastle | 28 | 12 | 4 | 12 | 59 | 48 | +11 | 40 |
11 | Chelsea | 27 | 11 | 6 | 10 | 47 | 45 | +2 | 39 |
12 | Fulham | 29 | 11 | 5 | 13 | 43 | 44 | -1 | 38 |
13 | Bournemouth | 28 | 9 | 8 | 11 | 41 | 52 | -11 | 35 |
14 | Crystal Palace | 28 | 7 | 8 | 13 | 33 | 48 | -15 | 29 |
15 | Brentford | 29 | 7 | 5 | 17 | 41 | 54 | -13 | 26 |
16 | Everton | 28 | 8 | 7 | 13 | 29 | 39 | -10 | 25 |
17 | Luton | 29 | 5 | 7 | 17 | 42 | 60 | -18 | 22 |
18 | Nott. Forest | 29 | 6 | 7 | 16 | 35 | 51 | -16 | 21 |
19 | Burnley | 29 | 4 | 5 | 20 | 29 | 63 | -34 | 17 |
20 | Sheffield Utd | 28 | 3 | 5 | 20 | 24 | 74 | -50 | 14 |
Athugasemdir