Kuyt sendi Gakpo skilaboð eftir að skiptin gengu í gegn

Gakpo gekk í raðir Liverpool fyrr í þessari viku frá PSV Eindhoven í Hollandi. Hann hefur verið besti leikmaðurinn í hollenska boltanum á þessu ári og lék vel með landsliðinu á HM í Katar.

Gakpo verður í treyju númer 18 hjá Liverpool en Kuyt lék lengi vel með það númer á bakinu.

Kuyt sendi Gakpo skilaboð í gegnum samfélagsmiðla eftir að skiptin gengu í gegn.

„Cody Gakpo, velkominn til Liverpool. Þessi tala færði mér mikla töfra og ég vona að hún færi þér líka slíka töfra. Til hamingju og gangi þér vel," skrifaði Kuyt til Gakpo.