Burn er uppalinn hjá Newcastle en fór snemma þaðan. Hann skrifar undir tveggja og hálfs árs samning. Hann er fimmti leikmaðurinn sem Newcastle fær í janúar.

Burn hefur verið lykilmaður í skemmtilegu liði Brighton í ensku úrvalsdeildinni síðustu þrjú ár.

„Ég er í skýjunum með að vera hér. Mér datt aldrei í hug að ég yrði leikmaður Newcastle og vera í kringum St. James' Park, mig hefur dreymt um þetta síðan ég var krakki."

„Ég get ekki beðið eftir því að fara út á völl í treyjunni og sjá hvernig það er. Eftir að hafa setið í stúkunni sem krakki og vera kominn hingað, það er klikkað. Ég er spenntur að byrja," sagði Burn.