Fótbolti.net

Arnar Pálmi: Aldrei upplifað annað eins

Sá leikjahæsti framlengdi við Völsung - „Ákvað að hætta því leikriti núna"

Alli Jói: Eins stórt og það gerist fyrir Völsung

Elfar Árni: Ekki hægt að segja nei þegar hann sagði mér að drulla mér heim

Var með nokkur tilboð en fannst FH langmest spennandi

Hoppaði í sófanum þegar lausn fannst - „Atvinnumennska að koma í Breiðablik"

Aftur upp í Bestu deildina - „Í sjálfu sér seldur eftir þann fund"

Valgeir vonar að fólk skilji sig - „Hef heyrt sögur úr Kórnum"

Spenntur fyrir næsta skrefi - „Einn besti markvarðarþjálfari sem þú finnur á Íslandi"

Heimspekingur, kennari og nú þjálfari - „Þetta eru tímamót"

Bannað að mæta á stjórnarfund og var ráðinn í kjölfarið - „Mjög stoltur að félagið sé til í að veðja á mig"

Sverrir Ingi: Ef við viljum fara alla leið þá þurfum við að vera með okkar bestu menn

Leikplanið breytist þegar Orri meiðist - „Vorum ekki búnir að undirbúa okkur“

Jói Berg: Hareide verið flottur og það er uppgangur

Pirrandi hvernig við köstuðum þessu frá okkur - „Getur ekki kastað sér á bakvið það"

Aron telur Hareide á réttri leið - „Væri klárlega til í að sjá Norðmanninn áfram“

Andri Lucas: Stundum er fótboltinn svona, hann er ekki alltaf fallegur

Gulli Victor: Ég mæti hingað og er fagmaður

Orri Steinn hrósar varamönnunum: Breyta leiknum

Jón Dagur: Hann getur verið erfiður stundum

fim 31. ágúst 2023 19:58

Sæbjörn Þór Þórbergsson Steinke

Fyrirliðinn segir afrekið trompa allt - „Í ársbyrjun 2020 fékk maður þessa barnalegu trú"

Trompar allt annað sem maður hefur gert í fótboltanum

Mynd: Fótbolti.net - Haukur Gunnarsson

Óskar Hrafn og Halldór Árnason tóku við Breiðabliki eftir tímabilið 2019.

Mynd: Fótbolti.net - Haukur Gunnarsson

„Þetta er geggjað, risastórt, sætt og við ætlum sannarlega að njóta þess í kvöld. Þetta var blanda, vissulega var léttir en svo geðveik tilfinning og þá virkilega fann maður hversu stórt þettar er, trompar allt annað sem maður hefur gert í fótboltanum," sagði Höskuldur Gunnlaugsson, fyrirliði Breiðabliks, við Fótbolta.net í kvöld.

Breiðablik varð í kvöld fyrsta íslenska karlaliðið til að tryggja sér sæti í riðlakeppni í Evrópu.

Lestu um leikinn: Breiðablik 1 - 0 FC Struga

„Ég held það sé nokkuð ljóst og allir finni þá ekta tilfinningu í öllum frumum. Maður vissi ekki hvað þetta yrði, en tilfinningin er að þetta trompi allt annað."

Viktor Karl Einarsson skoraði eina mark leiksins. „Ég er stoltur af okkur að mæta og taka frumkvæðið strax, burtséð frá markinu, að mæta með kassann út og 'hér fær enginn neitt' viðhorfið."

„Að halda hreinu á móti mjög erfiðu og kaotísku Struga liði er ótrúlega flott."

Fyrirliðinn hefur ekki áhyggjur af því að þurfa núna að setja einbeitinguna á leikinn gegn FH í Bestu deildinni í sumar.

En átti hann von á því að komast í riðlakeppni í Evrópu þegar hann hóf ferilinn?

„Nei, ekki þannig sko. En frá því að þjálfarateymið tekur við í ársbyrjun 2020. Þá fékk maður þessa barnalegu trú að við gætum 'matchað' hvaða liði sem við mætum. Ég held að af ellefu heimaleikjum sem við höfum spilað í Evrópu þá höfum við unnið níu hérna á Kópavogsvelli. Það hafa sannarlega verið sterkir andstæðingar. Trú flytur fjöll og þetta er afraksturinn."

Höskuldur var spurður út í stuðninginn. „Ég væri alveg til í að þetta væri svona alltaf, þetta gefur aukin kraft. Ég vil hvetja Kópavogsbúa og aðra að halda áfram að mæta eftir því sem þeir geta. Þetta munar, maður fær tólfta manninn inn á og það gefur orku."

Höskuldur vill fá Aston Villa í riðlinum. „Þetta eru allt flott lið, ég held það sé mikilvægt að vera ekkert litlir með það að núna þurfum við að halda áfram og gera eitthvað í þessum riðli. Við erum það barnarlegir að við förum með það hugarfar áfram í þetta."

Höskuldur er með meiðsli á hendi sem hann fór yfir í viðtalinu. Þau meiðsli eyðilögðu golfsumarið hjá kappanum. Viðtalið í heild sinni má sjá í spilaranum efst.