Virgil van Dijk varð fyrir hnémeiðslum í leik Liverpool og Everton fyrr í þessum mánuði. Jordan Pickford, markvörður Everton, óð út á móti van Dijk í teignum og straujaði hann með þeim afleiðingum að van Dijk gat ekki haldið leik áfram og hefur nú farið í aðgerð í kjölfarið. Hann verður frá í lengri tíma.
Alisson Becker, markvörður Liverpool, var spurður út í atvikið og sagði: „Allir markverðir spila leikinn á mismunandi hátt og hreyfa sig á mismunandi hátt," sagði Alisson við Sky Sports News.
„Á þessu augnabliki var þetta 100% ekki nauðsynleg hreyfing [hjá Pickford]."
„Kannski sjá aðrir þetta öðruvísi. Ég er ekki samþykkur þessari aðgerð hjá Pickford og allir vita það. Þetta var óþarfa augnablik og hreyfing."
Athugasemdir
