lau 31. október 2020 22:39
Ívan Guðjón Baldursson
Daníel Leó óheppinn að gera sjálfsmark í fyrsta leik með Blackpool
Daníel Leó var lykilmaður hjá Álasundi þar til í október.
Daníel Leó var lykilmaður hjá Álasundi þar til í október.
Mynd: Álasund
Burton 1 - 2 Blackpool
0-1 Jerry Yates ('21)
1-1 Daníel Leó Grétarsson ('63, sjálfsmark)
1-2 Jerry Yates ('75, víti)

Daníel Leó Grétarsson spilaði sinn fyrsta leik með Blackpool er liðið heimsótti Burton Albion í ensku C-deildinni í dag.

Jerry Yates var hetja Blackpool og gerði eina markið í fyrri hálfleik. Daníel Leó átti flottan leik í hjarta varnarinnar en varð fyrir því óláni að setja boltann í eigið net þegar hann fékk fyrirgjöf í sig í seinni hálfleik og staðan var þá orðin 1-1.

Það gerði þó lítið til þar sem Yates gerði sigurmark Blackpool úr vítaspyrnu á 75. mínútu.

Blackpool er komið með 10 stig eftir jafnmargar umferðir. Burton er með 6 stig.
Athugasemdir
banner
banner
banner
banner