Fótbolti.net

lau 31. október 2020 19:00

Ívan Guðjón Baldursson

Ítalía: Gervinho með tvennu gegn Inter - Muriel hetja Atalanta

Frestað leik Venezia vegna þoku - Staðan er 2-0

Mynd: Getty Images

Mynd: Venezia

Fyrstu tveimur leikjum dagsins er lokið í Serie A, efstu deild ítalska boltans. Atalanta lagði þar Crotone að velli þökk sé tvennu frá Luis Muriel á meðan Inter lenti tveimur mörkum undir gegn Parma en náði sér í stig.

Í Mílanó var staðan markalaus eftir bragðdaufan fyrri hálfleik þar sem Inter réði gangi mála. Í síðari hálfleik skoraði Gervinho fyrstu tvö mörk leiksins en endurkoma hans í Serie A hefur verið frábær eftir að hafa verið lengi frá vegna erfiðra meiðsla.

HInn 33 ára gamli Gervinho gerði mjög vel að tímasetja hlaupin sín innfyrir varnarlínu Inter og var Antonio Conte brjálaður á hliðarlínunni. Hans menn svöruðu þó fyrir sig og minnkaði Marcelo Brozovic muninn aðeins tveimur mínútum eftir seinna mark Gervinho.

Inter jók sóknarþungan er tók að líða á hálfleikinn og náði Ivan Perisic að gera jöfnunarmark í uppbótartíma. Hann rétt svo náði að koma við boltann með hausnum en það nægði til að trufla varnarmenn Parma og jafna leikinn.

Arturo Vidal komst nálægt því að gera sigurmark Inter á lokasekúndum leiksins en skalli hans endaði rétt framhjá markinu. Lokatölur 2-2 þrátt fyrir mikla yfirburði Inter, sem er með 11 stig eftir 6 umferðir.

Inter 2 - 2 Parma
0-1 Gervinho ('46)
0-2 Gervinho ('62)
1-2 Marcelo Brozovic ('64)
2-2 Ivan Perisic ('92)

Luis Muriel gerði þá bæði mörk Atalanta í naumum sigri gegn nýliðum Crotone.

Muriel gerði bæði mörkin í fyrri hálfleik og náði nígeríski framherjinn Simy að minnka muninn og staðan því 1-2 í leikhlé.

Atalanta réði gangi mála frá fyrstu til síðustu mínútu leiksins en tókst ekki að skora meira en tvö mörk. Liðið er í öðru sæti deildarinnar með 12 stig eftir 6 umferðir.

Crotone 1 - 2 Atalanta
0-1 Luis Muriel ('26)
0-2 Luis Muriel ('38)
1-2 Simy ('40)

Í B-deildinni voru Bjarki Steinn Bjarkason og Óttar Magnús Karlsson á bekknum hjá Venezia gegn toppliði Empoli.

Feneyingar voru tveimur mörkum yfir þegar þurfti að flauta leikinn af og fresta honum vegna of mikillar þoku.

Venezia er með 7 stig eftir 4 umferðir, sex stigum minna heldur en Empoli en með leik til góða.

Brescia gerði þá 2-2 jafntefli við Virtus Entella en hvorki Birkir Bjarnason né Hólmbert Aron Friðjónsson voru í leikmannahópi Brescia.

Brescia er með fimm stig eftir fimm umferðir.

Brescia 2 - 2 Entella
1-0 M. Mangraviti ('61)
1-1 De Luca ('75)
2-1 F. Aye ('86)
2-2 M. Mancosu ('93, víti)
Rautt spjald: A. Mateju, Brescia ('92)

Venezia 2 - 0 Empoli
1-0 F. Forte
2-0 L. Fiordilino

		L	U	J	T	ms:	mf:	mun	Stig
1	Inter	32	26	5	1	77	17	+60	83
2	Milan	32	21	6	5	63	37	+26	69
3	Juventus	32	18	9	5	45	24	+21	63
4	Bologna	32	16	11	5	45	25	+20	59
5	Roma	31	16	7	8	56	35	+21	55
6	Atalanta	31	15	6	10	57	36	+21	51
7	Napoli	32	13	10	9	50	40	+10	49
8	Lazio	32	15	4	13	41	35	+6	49
9	Torino	32	11	12	9	31	29	+2	45
10	Fiorentina	31	12	8	11	43	36	+7	44
11	Monza	32	11	10	11	34	41	-7	43
12	Genoa	32	9	12	11	35	39	-4	39
13	Lecce	32	7	11	14	27	48	-21	32
14	Cagliari	32	7	10	15	34	54	-20	31
15	Verona	32	6	10	16	30	44	-14	28
16	Udinese	31	4	16	11	30	47	-17	28
17	Empoli	32	7	7	18	25	48	-23	28
18	Frosinone	32	6	9	17	40	63	-23	27
19	Sassuolo	32	6	8	18	39	62	-23	26
20	Salernitana	32	2	9	21	26	68	-42	15