Heimild: Vísir
Leiknir R. tryggði sér sæti í Pepsi Max-deild karla á næsta ári þegar KSÍ tilkynnti að Íslandsmótinu væri aflýst í gær.
Leiknismenn voru á æfingu þegar tilkynningin barst og brutust fagnaðarlæti út meðal leikmanna. Þeir fara upp um deild á markatölu þar sem þeir voru jafnir Fram á stigum í öðru sæti.
Íslandsmeistarar Vals hafa verið gagnrýndir fyrir viðbrögð sín við fregnunum í gær þar sem þeir virtu ekki reglur um samkomubann og nú er komið að Leiknismönnum. Þeir voru grímulausir og virtu ekki tveggja metra regluna í fagnaðarlátunum sem brutust út á æfingu.
Vísir greindi frá þessu og birti einnig myndband úr félagsheimili Leiknismanna þar sem freyðivíni var sprautað af svölunum í gærkvöldi.
Vísir náði tali af Oscari Clausen, formanni Leiknis, en hann vildi ekki tjá sig um fögnuð Breiðhyltinga.
Tveggja metra reglan er tekin alla leið í Breiðholtinu. Reyndar tóku þeir fjögurra metra reglu King Mæk alvarlega líka. pic.twitter.com/PkOvNW0aGT
— Kristján Óli Sigurðsson (@kristjanoli) October 30, 2020
Athugasemdir