Búi Vilhjálmur Guðmundsson, þjálfari Vængja Júpiters.
Vængir Júpiters fengu í gær þau tíðindi að félagið væri fallið úr 3. deild karla.
KSÍ ákvað að blása Íslandsmótið af vegna kórónuveirufaraldursins. Vængir eru sem stendur á botni deildarinnar með 19 stig, en eiga leik til góða á liðin fyrir ofan, leik gegn Sindra. Með sigri í þeim leik hefði liðið farið upp úr fallsæti.
Eins og staðan er núna þá falla Vængir niður í 4. deild á meðalfjölda stiga.
KSÍ ákvað að blása Íslandsmótið af vegna kórónuveirufaraldursins. Vængir eru sem stendur á botni deildarinnar með 19 stig, en eiga leik til góða á liðin fyrir ofan, leik gegn Sindra. Með sigri í þeim leik hefði liðið farið upp úr fallsæti.
Eins og staðan er núna þá falla Vængir niður í 4. deild á meðalfjölda stiga.
„Ég var gríðarlega svekktur," segir Búi Vilhjálmur Guðmundsson, þjálfari Vængja Júpiters í samtali við Fótbolta.net.
Búi segir að Vængir séu tilbúnir í að spila leikinn sem þeir eiga inni gegn Sindra.
„Við erum 100 prósent klárir í þann leik. Ef að það væri einhver sanngirni þá ætti sá leikur auðvitað spilast til að jafna út leikjaröðina. Samanber líka leik sem KR á inni gegn Stjörnunni í Pepsi Max-deildinni," segir Búi.
„Ég myndi klárlega vilja að mótið spilist. Í öllum helstu deildum fyrir utan ensku deildirnar þá eru vetrarfrí. Ég sé ekkert því til fyrirstöðu að við getum tekið frí í þrjár vikur, tekið tveggja vikna undirbúningstímabil og spilað restina á tveimur til þremur vikum."
„Mér finnst umræðan hafa afbakast af tali formanna leikmannasamtakana um einhvern doða og þreytu leikmanna, en allir leikmenn sem maður þekkir vilja spila leikinn. Maður skilur að það sé kominn Covid-doði en það er ekki kominn doði fyrir fótbolta."
Hér má sjá stöðuna á fótboltanum um alla Evrópu og hvort áhorfendur séu leyfðir eða ekki. Í ljósi þess að margir eru að tjá sig hvort fótbolti sé í gangi eða ekki. Engin "búbbla" í þessum deildum en strangar sóttvarnir í gangi líkt og hér.@LTTsports @club_affairs @Fotboltinet 1/2 pic.twitter.com/b6GrnDSOF9
— Birgir Jóhannsson (@biggijo) October 31, 2020
Vængir eiga leik til góða á Sindra.
Athugasemdir
