Fótbolti.net

Skoraði í dag og fer svo út með U19 - „Ég vona að við tökum þetta"

Frábær verðlaun fyrir stórgóða frammistöðu - „Það er alltaf heiður"

„Veit að það sem ég segi er afgreitt sem eitthvað landsbyggðarvæl"

Kristján: Lítið silfur, stærra silfur og loksins kom gullpeningurinn

Gunnar fer yfir endalokin hjá Fram: Það var faglegur ágreiningur

Álitið: Hvað lið verður Íslandsmeistari?

Vanda um brottrekstur Arnars: Trúin ekki lengur til staðar

Chopart og Theodór Elmar fyrirliðar KR - „Ofboðslega flottur leiðtogi"

Víkingur með tvo til þrjá miðverði í sigtinu

Árni byrjar í markinu hjá Stjörnunni - „Virkilega góður fótboltamaður"

Keflvíkingar að semja við leikmann - „Mun styrkja liðið fullt"

Davíð Kristján: Gott að geta svarað smá fyrir mig

Guðlaugur Victor: Þetta var barnalegt

Hákon Arnar: Hefðum auðveldlega getað unnið 10-0

Aron Einar: Boltinn er afmælisgjöf fyrir Óliver

Jói Berg: Mín þrenna er miklu betri en hans!

Arnar Viðars á ekki til fleiri orð til að lýsa Aroni - „Aldrei skorað þrennu nema í handboltanum"

Erfitt að kveðja FH - „Langar að vera partur af því"

„Skilaboð í hópinn að menn ætli ekki að bera ábyrgð"

Alltaf meira undir gegn Þór - „Alltaf tilbúinn að bakka minn mann upp"

mán 31. október 2022 17:41

@saebjornth

Sæbjörn Þór Þórbergsson Steinke

„Kominn í Breiðablik til að sýna öllum að ég sé besti hægri bakvörðurinn á landinu"

Var strax viss um að mig langaði að taka þetta skref

Mynd: Fótbolti.net - Hafliði Breiðfjörð

Ég var búinn að undirbúa mig undir að þetta yrði erfitt en maður brotnaði alveg niður og nokkrir fóru að gráta með mér

Mynd: Fótbolti.net - Hafliði Breiðfjörð

Ég ætla leggja ennþá meira á mig og vera með fullan fókus

Mynd: Fótbolti.net - Hafliði Breiðfjörð

Alex Freyr Elísson var í dag tilkynntur sem nýr leikmaður Breiðabliks. Síðustu vikur hafa verið háværar sögusagnir um að Alex væri á leiðinni í Kópavoginn frá Fram en það var loksins staðfest með tilkynningum frá félögunum í dag.

„Ég er virkilega spenntur og klár í þetta verkefni. Ég fékk að vita af áhuga Breiðabliks í lok ágúst og þetta hefur þannig séð verið langur aðdragandi. Þegar ég heyrði af þessu þá fannst mér það geggjað, var strax eiginlega viss um að mig langaði að taka þetta skref," sagði Alex.

„Óskar (Hrafn Þorvaldsson) auðvitað og hvernig fótbolta hann spilar heillaði mig mest. Ég held að fótboltinn sem Breiðablik spilar eigi eftir að henta mér vel. Ég held að ég geti komið inn og styrkt þetta lið. Breiðablik er stór klúbbur sem er á rosalegri vegferð."

Höskuldur mögulega betri í annarri stöðu
Alex er 25 ára hægri bakvörður og hjá Breiðabliki er Höskuldur Gunnlaugsson búinn að leysa þá stöðu í flestum leikjum undanfarin tímabil. Höskuldur átti frábært tímabil og var valinn í lið ársins hér á Fótbolti.net. Er Alex hræddur um að fara í samkeppni við hann?

„Hann er geggjaður, ég held hann sé mögulega betri í annarri stöðu en hægri bakverði. Ég veit að ég er ekki að fara í Breiðablik og fæ ekki neina samkeppni. Það er gott fyrir minn þroska sem fótboltamaður að fá alvöru samkeppni, að ég þurfi að leggja ennþá harðar að mér. Þá verð ég ennþá betri. Ég hef ennþá draum um að fara út og ég held að Óskar geti hjálpað mér að gera það."

Ert væntanlega að gera eitthvað rétt ef Breiðablik sýnir áhuga
Alex var í ár að að spila í fyrsta sinn í efstu deild á sínum ferli.

„Þetta var smá brekka fyrst, spennustigið í fyrstu leikjunum frekar hátt, en ég myndi segja að ég hafi aðlagast frekar hratt og staðið mig heilt yfir vel. Ef Breiðablik sýnir þér áhuga þá ertu væntanlega að gera eitthvað rétt."

Er eitthvað sérstakt sem Alex vill bæta í sínum leik?

„Það var alltaf varnarleikurinn en ég er búinn að bæta hann frekar mikið. Maður getur samt ennþá bætt sig, ég get ennþá bætt varnarleikinn og sóknarleikinn og ég ætla leggja ennþá meira á mig og vera með fullan fókus. Ég er ekki alveg búinn að sýna öllum að ég sé besti hægri bakvörðurinn á landinu en ég er kominn í Breiðablik til að sýna öllum það - ekki bara Frömurum."

Getur ekki alltaf verið í þægindarammanum
Hvernig er að kveðja uppeldisfélagið?

„Það var fáránlega erfitt. Ég var búinn að undirbúa mig undir að þetta yrði erfitt en maður brotnaði alveg niður og nokkrir fóru að gráta með mér. Þetta var falleg stund. Ég fer frá Fram á góðum tíma, félagið er á frábærum stað, með flottasta völl á landinu og ég hef engar áhyggjur af þeim."

„Ég þurfti alveg að hugsa þetta, var ekki bara að hoppa strax á þetta. Ég hugsaði oft hvort ég væri tilbúinn að fara frá Fram. Maður getur ekki alltaf verið í þægindarammanum," sagði Alex.

Viðtalið við hann má sjá í heild sinni í spilaranum efst í fréttinni. Hann er þar spurður út í lokahófið hjá Fram, Aðalstein Aðalsteinsson, landsliðið og ýmislegt fleira.

Athugasemdir

Nýjustu fréttirnar