sun 10.nóv 2019
Þýskaland í dag - Topplið M'Gladbach fær Werder Bremen í heimsókn
M'Gladbach er í góðum málum, þeir mæta Werder Bremen í dag.
Það eru þrír leikir á dagskrá 11. umferðar þýsku úrvalsdeildarinnar í dag.

Fyrsti leikur dagsins hefst klukkan 12:30, þá tekur topplið M'Gladbach á móti Werder Bremen. Gestirnir hafa ekki byrjað tímabilið vel og eru að berjast í neðri hlutanum.

Wolfsburg fær Leverkusen í heimsókn klukkan 14:30, tveimur stigum munar á liðunum sem eru að berjast um miðja deild.

Elleftu umferðinni lýkur svo með leik Freiburg og Eintracht Frankfurt, flautað verður til leiks þar klukkan 17:00.

Sunnudagur 10. nóvember.
12:30 Gladbach - Werder
14:30 Wolfsburg - Leverkusen
17:00 Freiburg - Eintracht Frankfurt