sun 17.nóv 2019
Mónakó og Wolves á eftir Kessie
Franck Kessie er eftirsóttur
Ítalska félagið AC Milan gæti selt Franck Kessie í janúar en mikill áhugi er á Fílabeinsstrendingnum.

Kessie er 22 ára gamall og hóf feril sinn á Ítalíu hjá Atalanta en hann heillaði fyrst í B-deildinni með Cesena tímabilið 2015-2016.

Atalanta lánaði hann til Milan frá 2017 til 2019 áður en Mílanóliðið keypti hann í sumar.

Samkvæmt Gazzetta dello Sport þá er mikill áhugi á honum en Mónakó og Wolves vilja ólm fá hann í janúar.

Kessie er metinn á 25 milljónir evra en hann á 39 landsleiki að baki með Fílabeinsströndinni.