þri 24.nóv 2020
[email protected]
Jói Berg spilaði sinn hundraðasta úrvalsdeildarleik
 |
| Jói Berg er kominn með 100 úrvalsdeildarleiki. |
Íslenski landsliðsmaðurinn Jóhann Berg Guðmundsson lék í gær sinn 100. leik í ensku úrvalsdeildinni.
Hann var í byrjunarliði Burnley og lék fyrstu 67 mínúturnar þegar liðið kom sér upp úr fallsæti með fyrsta deildarsigri sínum á tímabilinu. Chris Wood skoraði eina markið í 1-0 sigri gegn Crystal Palace.
Jóhann Berg var nálægt því að fagna áfanganum með marki en hann átti sláarskot í seinni hálfleiknum.
Morgunblaðið tók það saman að Jóhann Berg er sjötti Íslendingurinn til að ná 100 leikjum í ensku úrvalsdeildinni.
Hermann Hreiðarsson er leikjahæstur en hann lék 322 leiki í deildinni. Gylfi Þór Sigurðsson, Eiður Smári Guðjohnsen, Guðni Bergsson og Grétar Rafn Steinsson eru einnig í 100 leikja klúbbnum.
|
