lau 28.nóv 2020
Byrjunarlið Sheffield United og West Brom: Tvö neðstu liðin
Sheffield United er á botni deildarinnar.
Síðasti leikur dagsins í ensku úrvalsdeildinni þennan laugardaginn er fallbaráttuslagur West Brom og Sheffield United. Leikurinn hefst klukkan 20:00.

Þetta eru tvö neðstu lið deildarinnar. Sheffield United, sem var spútnikliðið á síðustu leiktíð, er aðeins með eitt stig á botninum. West Brom er með þrjú stig í næst neðsta sæti.

Slaven Bilic, stjóri West Brom, gerir eina breytingu frá 1-0 tapinu gegn Manchester United um síðustu helgi. Grady Diangana fer á bekkinn og Callum Robinson kemur inn. Robinson er að mæta sínum gömlu félögum.

Hinn 24 ára gamli Kean Bryan leikur sinn fyrsta leik í ensku úrvalsdeildinni. Hann kemur inn í byrjunarlið Sheffield United fyrir Ethan Ampadu og byrjar í þriggja manna vörn með Chris Basham og John Egan.

Byrjunarlið West Brom: Johnstone, Furlong, Bartley, Ivanovic, Ajayi, Townsend, Gallagher, Sawyers, Pereira, Robinson, Grant.
(Varamenn: Button, O’Shea, Harper, Krovinovic, Diangana, Phillips, Robson-Kanu)

Byrjunarlið Sheffield United: Ramsdale, Baldock, Basham, Egan, Bryan, Lowe, Berge, Fleck, Norwood, McBurnie, Burke.
(Varamenn: Verrips, Osborn, Jagielka, Lundstram, Brewster, Mousset, McGoldrick)