mán 30.nóv 2020
England í dag - Leicester getur jafnað toppliðin
Það eru tveir úrvalsdeildarleikir sem fara fram í kvöld eftir að átta leikir voru spilaðir yfir helgina.

Leicester tekur á móti nýliðum Fulham og geta lærisveinar Brendan Rodgers jafnað Tottenham og Liverpool á toppi úrvalsdeildarinnar með sigri.

Fulham er í næstneðsta sæti með fjögur stig eftir níu umferðir.

West Ham og Aston Villa eigast svo við í áhugaverðum slag. Aðeins eitt stig skilur liðin að um miðja deild en Villa á leik til góða.

Hamrarnir eru búnir að vinna tvo leiki í röð á meðan Villa er búið að tapa þremur af síðustu fjórum.

Leikir dagsins:
17:30 Leicester - Fulham (Síminn Sport)
20:00 West Ham - Aston Villa (Síminn Sport)