mán 30.nóv 2020
Coutinho farinn að sýna betri hliðar með Barca
Philippe Coutinho.
Það hafa verið margar neikvæðar fréttir að koma frá Barcelona að undanförnu en það má líka finna ljósa punkta.

Í Meistaradeildinni hefur allt gengið að óskum hjá liðinu og í gær vannst 4-0 sigur gegn Osasuna á Nývangi.

Brasilíumaðurinn Philippe Coutinho byrjaði leikinn í gær og skoraði. Hann byrjaði líka gegn Dynamo Kiev í Meistaradeildinni fimm dögum áður.

Mundu Deportivo hrósar Coutinho og segir að hann sé loksins farinn að sýna sínar bestu hliðar. Hann hafi verið síógnandi í leiknum í gær.

Markið var hans þriðja á tímabilinu en áður hafði hann skorað gegn Ferencvaros og Sevilla.

Coutinho hafði nýlega snúið aftur eftir að hafa misst af fjórum leikjum vegna meiðsla í læri. Hann kom til Barcelona frá Liverpool í janúar 2018 en hefur ekki náð að standa undir væntingum og var lánaður til Bayern München á síðasta tímabili.

Kannski eru bjartari tímar framundan hjá Coutinho?