mið 02.des 2020
Sjáðu markið: Matti Villa skallaði boltann inn á Viðar sem kláraði vel
Viðar á Parken.
Stabæk 1 - 1 Valerenga

Vålerenga sótti Stabæk heim í lokaleik Eliteserien í dag. Viðar Örn Kjartansson og Matthías Vilhjálmsson voru báðir í byrjunarliði Vålerenga og lék Viðar allan leikinn. Matti fór af velli á 66. mínútu.

Vålerenga komst yfir á 9. mínútu þegar Matthías Vilhjálmsson skallaði sendingu úr öftustu línu aftur fyrir sig og Viðar Örn kom boltanum í netið, virkilega gott íslenskt mark.

Með því að smella hér getur þú séð markið.

Stabæk jafnaði leikinn á 64. mínútu og reyndist það lokamark leiksins. Vålerenga er í 3. sæti deildarinnar með 48 stig og í góðri stöðu í baráttu um Evrópudeildarsæti.