fim 21.jan 2021
Einkunnir Liverpool og Burnley: Mee maður leiksins
Englandsmeistarar Liverpool töpuðu afar óvænt á heimavelli gegn Burnley fyrr í kvöld.

Sky Sports hefur gefið leikmönnum einkunnir og kemur einkunnagjöfin nokkuð á óvart, þar sem Ben Mee var valinn besti maður vallarins.

Mee átti mjög góðan leik en gerðist sekur um stór mistök undir lok fyrri hálfleiks sem hleyptu Divock Origi einum í gegn. Origi klúðraði þó dauðafærinu með að skjóta í slána.

Mee fær 8 í einkunn og er sá eini á vellinum að undanskildum Nick Pope til að fá svo góða einkunn. Það kemur á óvart að enginn leikmaður Liverpool fær undir 6 í einkunn fyrir sinn þátt.

Jóhann Berg Guðmundsson fékk að spila síðasta hálftímann og fær 6 fyrir sinn þátt.

Liverpool: Alisson (6), Alexander-Arnold (7), Matip (6), Fabinho (6), Robertson (7), Oxlade-Chamberlain (6), Thiago (7), Wijnaldum (7), Shaqiri (6), Origi (7), Mane (7).
Varamenn: Salah (6), Firmino (6)

Burnley: Pope (8), Lowton (7), Tarkowski (7), Mee (8), Taylor (7), Brady (6), Westwood (6), Brownhill (6), McNeil (7), Barnes (7), Wood (6).
Varamenn: Pieters (6), Guðmundsson (6).