lau 30.okt 2021
Davíð Snær spáir í 10. umferð ensku úrvalsdeildarinnar
Davíð Snær og Papa Joe
Benteke þakkar traustið
Mynd: EPA
Claudio Ranieri
Mynd: Watford
Tíunda umferð ensku úrvalsdeidarinnar hefst klukkan 11:30 þegar Arsenal heimsækir Leicester á King Power leikvanginum í Leicester. Umferðinni lýkur svo á mánudag með leik Wolves og Everton.

Davíð Snær Jóhannsson, stuðningsmaður Watford og leikmaður Keflavíkur, er spámaður umferðarinnar.

Jeppinn sjálfur, Jeppkall (Bjarki Viðarsson) var spámaður í síðustu umferð og var með fjóra leiki af tíu rétta.

Svona spáir Davíð leikjum umferðarinnar:

Leicester 1-2 Arsenal
Harðasti Arsenal maður landsins Rúnar Þór verður á Tene með einn óáfengan að horfa Arsenal sækja 3 stigin. Auba með 2.

Burnley 1-1 Brentford
Burnley eru mikið að vinna með að sækja eitt stig í einu fílósófíuna og halda því áfram þessa helgina.

Liverpool 2-0 Brighton
Liverpool á alvöru siglingu, því miður, meira vil ég ekki segja um Liverpool. Salah með tvö.

Man City 0-1 Crystal Palace
Patrick Vieira sækir annan sigurinn á tímabilinu með skalla frá BenTANKe á 90+, óvænt.

Newcastle 0-3 Chelsea
Bjartir tímar eru framundan hjá Newcastle en þeir byrja ekki um helgina því Chelsea sækir mjög þægileg 3 stig, Mount með tvö og þriðja kemur úr vörninni.

Watford 4-1 Southampton
OOO Ranieri!! Við fáu sem höldum með geitungunum hér á Íslandi erum virkilega sáttir með Claudio. leikur eitt hjá honum var vissulega ekki leikur einn. En eftir fimm mörkin sem hann bauð upp á móti Everton fær mann til að dreyma um Conference League :) Högg að Dennis sé í banni en Sarr og King bjóða bara í staðinn upp á veislu og setja tvö hvor.

Tottenham 3-0 Man Utd
Þetta verður dropinn sem fyllir mælinn og Ole verður rekinn fyrir fyrsta kaffibolla á mánudaginn. Ole out heyri ég reglulega frá Papa Joe.

Norwich 0-1 Leeds
Botnslagur helgarinnar og verða gæðin í samræmi við það en betra árangur á Yoyo testum mun skila marki frá Leedsurum í lok leiks sem Dan James mun bjóða upp á

Aston Villa 0-2 West Ham
Hitti Nonna frænda í dag og hann sagði mér að þetta er auðveldasta spá helgarinnar. Þegar hann talar þá hlusta ég!.

Wolves 2-2 Everton
Þetta verður virkilega skemmtilegur mánudags leikur og mun xg vera hærra en mörkin í þessum leik. Raul Jimenez mun jafna leikinn með fallegum einleik.

Fyrri spámenn:
Benni Gumm - 5 réttir
Mist Edvards - 5 réttir
Karitas - 5 réttir
Jeppkall - 4 réttir
Albert Brynjar - 4 réttir
DigiticalCuz - 4 réttir
Sammi - 4 réttir
Elías Már - 3 réttir
Orri Steinn - 3 réttir