mán 13.jún 2022
Króatar dæma á Laugardalsvelli en Serbar sjá um VAR
Duje Strukan, 38 ára Króati, verður með flautuna á Laugardalsvelli í kvöld þegar Ísland og Ísrael mætast á Laugardalsvelli í Þjóðadeildinni.

Strukan er ekki mjög hátt skrifaður á dómaralista FIFA og dæmdi í Sambandsdeildinni og Evrópukeppni unglingaliða á liðnu tímabili.

Aðstoðardómararnir og fjórði dómarinn koma einnig frá Króatíu en Serbar sjá um vaktina í VAR-dómgæslunni. Aðal VAR dómari er Novak Simovic.

Ef Ísland tapar í kvöld er möguleiki strákanna okkar á því að enda í efsta sæti riðilsins, og komast þar með upp í A-deild, horfinn.

Leikur Íslands og Ísrael hefst 18:45 á Laugardalsvelli.