fös 12.ágú 2022
Keita snýr aftur - Gæti Klopp fengið inn nýjan leikmann?
Naby Keita.
Annar leikur Liverpool í ensku úrvalsdeildinni verður gegn Crystal Palace á mánudagskvöld.

Keita var veikur og tók því ekki þátt í 2-2 jafnteflisleiknum gegn Fulham um síðustu helgi.

Thiago Alcantara verður frá í allt að sex vikur og þá eru Curtis Jones og Alex Oxlade-Chamberlain einnig á meiðslalistanum. Jurgen Klopp, stjóri Liverpool, var spurður að því hvort hann gæti fengið inn nýjan leikmann í ljósi stöðunnar en glugginn er opinn til mánaðamóta.

„Ég er ánægður með styrkleika, stærðina og gæðin í hópnum mínum en við erum með meiðsli. Ein af mögulegum lausnum er félagaskiptamarkaðurinn, en kaup á leikmanni eru bara rökrétt ef það er hægt að fá rétta leikmanninn. Það þarf að sækja rétta leikmanninn en ekki bara einhvern leikmann," segir Klopp.