fim 18.ágú 2022
Romero ekki með um helgina
Cristian Romero.
Cristian Romero, varnarmaður Tottenham, meiddist í lok leiksins gegn Chelsea um síðustu helgi.

„Efit leikinn fór hann að finna verk í vöðvum. Við létum skoða hann. Leikmaðurinn vill vera í hópnum um helgina en það yrði heimskulegt af okkur að taka þá áhættu með alla leikina sem eru framundan. Hann verður ekki með gegn Wolves," segir Antonio Conte, stjóri Tottenham.

Tottenham fær Wolves í heimsókn í hádegisleiknum í ensku úrvalsdeildinni á laugardag.


Á fréttamannafundi í dag sagði Conte að það væru góðar fréttir af meiðslum miðjumannsins Oliver Skipp.

„Hann er að fara að hlaupa aftur. Hann hefur verið að glíma við þessi meiðsli síðan í janúar og hann á skilið að fá smá heppni. Þegar leikjatörnin þéttist hjá okkur þá verður hann orðinn klár í að aðstoða okkur," segir Conte.