þri 27.sep 2022
Vill ekki sjá Mings nálægt landsliðinu - „Hann er hræðilegur"
Tyrone Mings.
Danny Mills, fyrrum landsliðsmaður Englands, vill ekki sjá Tyrone Mings nálægt enska landsliðinu.

Hinn 29 ára gamli Mings hefur farið erfiðlega af stað með Aston Villa á þessari leiktíð og komst hann ekki í leikmannahóp Englands fyrir síðasta verkefni.

John Stones meiddist í leik gegn Þýskalandi í gær og það er hugsanlegt að Gareth Southgate muni horfa til Mings ef Stones verður lengi frá, en hann hefur oft valið Mings í landsliðið.

Það var rætt um það á Talksport hvort Mings gæti komið aftur inn í hópinn en Mills vill ekki sjá það gerast. Þegar hann var spurður af hverju þá sagði hann einfaldlega:

„Af því að hann er hræðilegur."

HM í Katar hefst í nóvember, en Englendingar þykja ekki líklegir til afreka í ljósi spilamennsku liðsins upp á síðkastið.