fös 30.sep 2022
Ten Hag um Maguire: Gæðin skína í gegn á æfingum

Erik ten Hag knattspyrnustjóri Manchester United hefur enn trú á Harry Maguire, fyrirliða félagsins og landsliðsmanni Englands.



Raphael Varane og Lisandro Martinez hafa verið fyrir ofan Maguire í goggunarröðinni undanfarnar vikur er Rauðu djöflarnir hafa sigrað hvern leikinn fætur öðrum. Þeir töpuðu aðeins gegn Real Sociedad en þá var Maguire að spila sinn eina byrjunarliðsleik síðasta mánuðinn.

„Ég hef fulla trú á Harry, hann mun snúa þessu við. Ég efast það ekki," sagði Ten Hag þegar hann var spurður út í alla neikvæðnina í kringum Maguire, sem hefur verið gagnrýndur fyrir slakar frammistöður bæði með Man Utd og enska landsliðinu á upphafi tímabils.

„Hann er fagmaður fram í fingurgóma og búinn að æfa gífurlega vel síðustu vikur. Gæðin hans skína í gegn á æfingum þannig við höfum ekki áhyggjur."

Bruno Fernandes hefur borið fyrirliðabandið í fjarveru Maguire.