lau 01.okt 2022
Ítalía í dag - Mourinho mætir aftur á San Siro
Mynd: EPA

Það er fjörugur dagur framundan í ítalska boltanum þar sem Napoli byrjar helgina á heimaleik gegn Torino.



Napoli hefur farið vel af stað og vermir toppsæti deildarinnar með 17 stig eftir 7 umferðir. Khvicha Kvaratskhelia hefur komið funheitur inn í sóknarlínu Napoli sem hefur verið að vinna leiki þrátt fyrir að missa stjörnusóknarmann sinn Victor Osimhen í meiðsli.

Inter og Roma eigast svo við í stórleik þar sem Jose Mourinho mætir félaginu sem hann gerði að þreföldum meisturum fyrir rétt rúmum áratugi síðan.

Inter er með tólf stig og Roma þrettán og ríkir mikil eftirvænting fyrir þessari viðureign þar sem Paulo Dybala og Romelu Lukaku mætast. Lukaku hefur þó verið frá vegna meiðsla og er tæpur fyrir leikinn.

Að lokum eiga Ítalíumeistararnir í AC Milan útileik gegn Empoli. Milan tapaði í síðustu umferð og þarf sigur til að snúa aftur á rétta braut sem fyrst. Rafael Leao er kominn úr leikbanni en Theo Hernandez, Alessandro Florenzi og Mike Maignan eru meðal annars á meiðslalistanum. 

Leikir dagsins:
13:00 Napoli - Torino
16:00 Inter - Roma
18:45 Empoli - Milan