lau 01.okt 2022
[email protected]
Víkingur miklu sigurstranglegri - 73% spá liðinu sigri
Úrslitaleikur Mjólkurbikarsins fer fram í dag en FH og Víkingur eigast við á Laugardalsvellinum klukkan 16.
Víkingur vann bikarinn 2019 og 2021 en vegna Covid var keppnin ekki kláruð 2020. Bikarinn hefur því verið ansi lengi í Fossvoginum.
FH-ingar eru í fallsæti í Bestu deildinni og Víkingar eru mun sigurstranglegri fyrir leik dagsins. Það sést vel á niðurstöðu skoðanakönnunar sem var á forsíðu Fótbolta.net.
Hverjir vinna bikarúrslitaleikinn á laugardag?
73% Víkingar (1902)
27% FH-ingar (719)
Leikurinn í dag er sýndur beint á RÚV og er í beinni textalýsingu á Fótbolta.net.
|
