lau 01.okt 2022
England: Fyrsti sigur Potter - Everton og Newcastle með útisigra
Mynd: EPA

Mynd: Getty Images

Það fóru fimm leiki fram á sama tíma á þessum skemmtilega laugardegi í ensku úrvalsdeildinni þar sem Graham Potter sótti sinn fyrsta sigur við stjórnvölinn hjá Chelsea.



Potter sótti sigurinn á erfiðum útivelli Crystal Palace þar sem liðin áttust við í nágrannaslag. Heimamenn í Palace tefldu fram sóknarsinnuðu liði og tóku forystuna snemma þegar Odsonne Edouard kom boltanum í netið. 

Á 32. mínútu voru heimamenn ekki sáttir þegar Thiago Silva, varnarmaður Chelsea, fékk að hanga inni á vellinum þrátt fyrir að stöðva boltann viljandi með höndunum sem aftasti varnarmaður. Skömmu síðar átti Silva stoðsendingu á Pierre-Emerick Aubameyang sem jafnaði metin.

Chelsea var með yfirhöndina í bragðdaufum síðari hálfleik en Conor Gallagher kom inn af bekknum á 76. mínútu og skoraði sigurmarkið undir lokin eftir stoðsendingu frá öðrum varamanni - Christian Pulisic.

Crystal Palace 1 - 2 Chelsea
1-0 Odsonne Edouard ('7)
1-1 Pierre-Emerick Aubameyang ('38)
1-2 Conor Gallagher ('90)

Everton hafði þá betur gegn Southampton eftir að hafa lent undir þar sem Conor Coady og Dwight McNeil sáu um markaskorunina.

Newcastle rúllaði yfir tíu leikmenn Fulham á útivelli sem misstu Nathaniel Chalobah af velli snemma leiks með beint rautt spjald og þá gerðu Bournemouth og Brentford markalaust jafntefli.

Everton vann sinn annan leik í röð og er með 10 stig eftir 8 umferðir. Newcastle og Fulham eru með 11 stig.

Fulham 1 - 4 Newcastle
0-1 Joseph Willock ('11 )
0-2 Miguel Almiron ('33 )
0-3 Sean Longstaff ('43 )
0-4 Miguel Almiron ('57 )
1-4 Bobby Reid ('88 )
Rautt spjald: Nathaniel Chalobah, Fulham ('8)

Southampton 1 - 2 Everton
1-0 Joe Aribo ('49 )
1-1 Conor Coady ('52 )
1-2 Dwight McNeil ('54 )

Bournemouth 0 - 0 Brentford