lau 01.okt 2022
Spánn: Lewandowski skoraði sjötta leikinn í röð
Robert Lewandowski skoraði enn og aftur fyrir Börsunga
Pólski framherjinn Robert Lewandowski þurfti engan tíma til að aðlagast La Liga á Spáni en hann gerði sigurmark liðsins í 1-0 sigrinum á Mallorca í kvöld. Þetta var sjötti deildarleikurinn í röð sem hann skorar.

Sigurmark Lewandowski kom á 20. mínútu leiksins. Þetta var áttunda mark hans í deildinni en hann kom til félagsins frá Bayern München í sumar.

Hann hefur byrjað tímabilið frábærlega og er með samtals ellefu mörk í fyrstu átta leikjum sínum á tímabilinu í öllum keppnum.

Barcelona er á toppnum með 19 stig. Liðið hefur aðeins fengið eitt mark á sig í deildinni og virðist allt á réttri leið hjá lærisveinum Xavi.

Atlético Madríd lagði Sevilla, 2-0. Alvaro Morata og Marcos Llorente gerðu mörkin. Atlético er í 5. sæti með 13 stig.

Úrslit og markaskorarar:

Getafe 2 - 3 Valladolid
0-1 Sergio Leon ('20 , víti)
1-1 Borja Mayoral ('29 )
2-1 Damian Suarez ('31 )
2-2 Sergio Leon ('37 )
2-3 Oscar Plano ('48 )
2-3 Enes Unal ('73 , Misnotað víti)

Cadiz 0 - 0 Villarreal
Rautt spjald: Isaac Carcelen, Cadiz ('90)

Sevilla 0 - 2 Atletico Madrid
0-1 Marcos Llorente ('29 )
0-2 Alvaro Morata ('57 )

Mallorca 0 - 1 Barcelona
0-1 Robert Lewandowski ('20 )