mán 03.okt 2022
Wilder rekinn frá Middlesbrough
Wilder rekinn
Middlesbrough er í stjóraleit eftir að hafa rekið Chris Wilder í morgun. Liðið er í 22. sæti Championship deildarinnar eftir erfiða byrjuna á tímabilinu.

Boro hefur einungis unnið tvo af ellefu leikjum sínum og tapaði gegn botnliði Coventry á laugardag.

Markvarðaþjálfarinn Leo Percovich tekur tímabundið við ásamt þeim Craig Liddle, Lee Cattermole og Mark Tinkler. Næsti leikur liðsins er gegn Birmingham á miðvikudag.

Boro rétt missti af umspilssæti á síðasta tímabili og lagði bæði Manchester United og Tottenham í enska bikarnum. Liðið er nú þegar þrettán stigum á eftir Norwich sem er í 2. sæti deildarinnar, seinna sætinu sem gefur öruggt sæti í úrvalsdeild að ári.

Wilder er talinn næst líklegastur til að taka við Bournemouth í úrvalsdeildinni en Gary O'Neil, bráðabirgðastjóri liðsins, er talinn líklegastur til að fá starfið til frambúðar.