mið 05.okt 2022
Championship: Sjöunda jafntefli Burnley - Jói Berg spilaði tuttugu mínútur
Jóhann Berg kom við sögu í jafntefli
Ismaila Sarr skoraði fyrir Watford en það dugði skammt
Mynd: EPA
Sex leikir fóru fram í ensku B-deildinni í kvöld en Burnley gerði sjöunda jafntefli sitt á tímabilinu er liðið fékk Stoke City í heimsókn á Turf Moor.

Jóhann Berg Guðmundsson byrjaði á tréverkinu gegn Stoke í dag en Vincent Kompany, stjóri Burnley, hefur verið að stýra aðeins álaginu á leikmanninum.

Connor Roberts kom Burnley yfir á 54. mínútu og um það bil korteri síðar kom Jóhann Berg inná sem varamaður. Harrison Thomas-Clarke eyðilagði fyrir Burnley þegar þrjár mínútur voru eftir með jöfnunarmarki og skildu liðin því jöfn, 1-1.

Þetta var sjöunda jafntefli Burnley í deildinni en það situr í 5. sæti með 19 stig.

Swansea lagði Watford, 2-1. Ismaila Sarr kom Watford í fyrri hálfleiknum en Swansea kom til baka í þeim síðari og jafnaði. Undir lokin skoraði Ben Kabango sigurmark Swansea og lyfti liðinu upp í 6. sæti með 18 stig.

Úrslit og markaskorarar:

Burnley 1 - 1 Stoke City
1-0 Connor Roberts ('54 )
1-1 Harrison Thomas Clarke ('87 )

Hull City 2 - 1 Wigan
0-1 Will Keane ('14 )
1-1 Dimitris Pelkas ('21 )
2-1 Oscar Estupinan ('65 )

Middlesbrough 1 - 0 Birmingham
1-0 Chuba Akpom ('23 )

Preston NE 1 - 0 West Brom
1-0 Emil Riis Jakobsen ('7 )

Rotherham 1 - 1 Millwall
1-0 Daniel Barlaser ('9 , víti)
1-1 Zian Flemming ('42 )

Watford 1 - 2 Swansea
1-0 Ismaila Sarr ('34 )
1-1 Olivier Ntcham ('52 )
1-2 Ben Cabango ('90 )