Graeme Souness fyrrum leikmaður og stjóri Liverpool er alls ekki spenntur fyrir því að snúa aftur í stjórastólinn.

Souness er 69 ára en hann vinnur í dag sem sérfræðingur á Sky Sports. Hann stýrði Newcastle síðast frá 2004-2006. Hann lýsir því sem verstu vinnunni á ferlinum.

„Ég held að það sé ekkert sem freistar mig til að snúa aftur í stjórastólinn. Ég vil ekki þurfa vera ábyrgur fyrir þessu fólki sem tekur stóru ákvarðanirnar í fótboltanum. Newcastle starfið var versta starfið á ferlinum, alveg skelfilegt," sagði Souness.

Souness lék með Liverpool frá 1978–1984 og vann deildina fimm sinnum. Hann stýrði liðinu síðan einu sinni til sigurs í FA bikarnum þegar hann stýrði liðinu frá 1991-1994.