Brasilía sló Suður Kóreu úr leik á HM í Katar í gær með öruggum 4-1 sigri.

Richarlison, leikmaður Tottenham hefur staðið sig vel með brasilíska liðinu á HM en hann skoraði þriðja markið í leiknum.

Með þessum sigri sendi hann Son Heung-Min, liðsfélaga sinn hjá Tottenham heim.

Þeir voru mótherjar í 90 mínútur í gær en þeir föðmuðust og spjölluðu eftir leikinn.

Richarlison sendi Son kveðju á Twitter eftir leikinn.

„Ég veit hversu mikið þú lagðir á þig til að komast hingað og þess vegna ertu hetja í augum þjóðarinnar þinnar," skrifaði Richarlison.